الله أكبر صرت انا واحد غريب
من عقب ماكنـت قلبـك نايلـه
وين ذاك الوقت يوم اني أغيـب
تبتلش ودمـوع عينـك سايلـه
من تفارقنا وانا حالـي صويـب
مشكلـة فرقـاك فعـلا هايلـه
من عرفت الحب وأنت اول حبيب
ومن عرفت الحق دايـم طايلـه
يالحبيب الجرح ماظنـي يطيـب
تدري من قالـه خفوقـي قايلـه
كنت اجي لجلك ألبي لك واجيـب
وانحرج لا قلـت منهـو جايلـه
كم سهرت أقنب ولا فاد القنيـب
وابك حبـك بالمحانـي شايلـه
الوصل تشريف والهجران عيب
والاوادم كلـبـوهـا زايـلــه
لا تخليني مـن اسبابـك كئيـب
جرحي الـي ماقـدرت اتحايلـه
مادريت ان الهوى جرحه عطيب
ليـن ورانـي نجـوم القايـلـه
الشاعر/ محمد البراق